طــلــعــت مـصـطـفــى

الشارت الاول بتاريخ 14/2/2012

بسم الله الرحمن الرحيم
على شارت طلعت مصطفى نموذج هارمونيك  القرش الهابط لا يكون النموذج صحيحا الا بتخطى مستوى 5جنيه ومنطقه اكتمال النموذج ما بين 5-5.65 وفى تقديرى الشخصى ربما لا يصل السهم الى هذه المنطقه الا بجنى ارباح جزئى لاخذ العزم الكافى لمواصله الصعود بالرغم من الهيبره التى يعيشها السوق حاليا ولاحظ هنا ان السهم فى حاله تراجعه الى مستويات 3.75-4 قبل الوصول الى مستوى 5 جنيه فان نموذج القرش يتحول الى نموذج هارمونيك THE5-0 صاعد( ربما ينظر البعض الى صعوبه الوصول الى هذه المستويات  اذا حدث تراجع فى ظل حاله الزخم الشرائى الحاليه)
من اهم المقاومات التى تواجه السهم نطاق 4.65-4.75 والدعم القريب للسهم هو منطقه 4.45-4.50 وكسر 3.70 خروج من السهم ويمكن اعاده الدخول وقتها عند مستوى 3 جنيه

الشارت الثانى بتاريخ10/3/2012

بسم الله الرحمن الرحيم
اتكلمنا عن طلعت مصطفى من حوالى 3 اسابيع زى ما هو واضح من الشارت الاول وكان السهم كون نموذج هارمونيك قرش هابط وحددنا منطقه اكتمال النموذج زى ماهو واضح مابين 5-5.65 ودايما بقول ان اى سهم دخل منطقه الانعكاس لازم ايدى تكون جاهزه فى اى وقت لضغط زر البيع  ولازم اراقب حاجه مهمه ودايما بشدد عليها وهى الانفراااااااج  اللى بيأكده الشموع الانعكاسيه  مثلا او ترند قصير الاجل وهنا عندنا مثال حى على الكلام اللى بقوله وان السهم لما دخل منطقه الانعكاس كان موجود انفراج سلبى ثم تكونت شمعه الرجل المشنوق يوم 5/3/2012 اتاكدت بشمعه اغلاقها كان اقل من اغلاق شمعه الرجل المشنوق
و قبل ما نتكلم عن السهم نحب نوضح النماذج الموجوده عليه لانه غنى بوجود نماذج تجمع مابين هارمونيك وكلاسيك وما بين سلبيه وايجابيه فالسهم موجود عليه نموذج قرش هابط وقرش  صاعد  ووتد صاعد ورايه ثيرانيه  وعاوز تسميها سكالوب صاعد مافيش مشكله وعندنا سكالوب صاعد كبير ارتكز عليه السهم فى تغيير اتجاه وبالمناسبة الاسكالوبات من النماذج الكلاسيكيه المحترمه فى تغيير الاتجاه ولكن قليل من الاسهم بيرتكز عليها
الحقيقه انا رفعت  الشارت ده لان فيه نقطتين مهمتين عاوز اتكلم فيهم وحربطهم ببعض عشان نشوف التناغم ماشى ازاى بين المدراس المختلفه فى التحليل الفنى
بدايه خلينى اتكلم عن نموذج القرش الصاعد الموجود فى الشارت رقم 2 ونقطه اكتماله عند 3.75 والسهم لو ارتد صعودا قبل 3.75 وتحديدا من مستوى 3.95 يبقا النموذج ده THE5-0 هابط  وانا دايما بتكلم عن علاقه نموذج القرش بنموذج THE5-0 كده انا خلصت من النموذج ده كمعلومه كامله للقارىء ونخلى بالنا ان مستهدف نموذج القرش الهابط فى الشارت الاول 3.95 يعنى منطقه 3.75-3.95 منطقه مرجح الوصول لها بس الوصول للمنطقه دى مشروط بشرط اعتقد انه صعب شويه وان كان غير مستحيل حنعرفه فى اخر التحليل
اول نقطه عاوز اتكلم فيها وهى واحد من الاسباب اللى دعتنى ارفع الشارت ده هى نموذج ما يسمى NON COMPLETE FAILURE SWING وباختصار كده نشرحه علشان فيه نماذج اسمائها لما بتتحول للعربى بتكون غريبه شويه وممكن تكون بعيده عن مدلولها الفنى فبتحتاج شرح اكتر منه وصف
عموما النموذج ده بيكون على حرف M او W زيه زى FAILURE SWING اللى شرحناه قبل كده بس الفرق بينهم ان NON FAILURE SWING بتكون القمه التانيه اعلى من القمه الاولى(حاله النموذج الكلاسيكى السلبى M) او القاع التانى اقل من القاع الاول(حاله النموذج الكلاسيكى الايجابى W) علشان كده بنقول NON يعنى نجح السعر فى اختراق القمه السابقه له اوكسر القاع السابق له عكس FAILURE SWING اللى بيخفق فيه السعر انه يعمل قمه اعلى او قاع ادنى
وزى ما قلنا قبل كده ان فيه نماذج هارمونيك وكلاسيك مبنيه على FAILURE SWING عندنا كمان نماذج مبنيه على  NON FAILURE SWING  زى نماذج الهارمونيك الخماسيه الغير معتاده زى نموذج القرش او نموذج THE5-0 ومن النماذج الكلاسيكيه عندنا  القاع المزدوج والقمه المزدوجه الغير منتظمين(غير اعتيادى) واوقات بنقول عليهم  2B PATTERNS- زى مثالنا الحالى- او جوازا بنقول دراجون او BIG M وان كان الدراجون او BIG M ممكن ياخدوا الشكلين(اخفاق سوينج او عدم الاخفاق)
والحقيقه يا جماعه ان النماذج الكلاسيكيه المبنيه على ظاهره  NON FAILURE SWING  نماذج قويه جدا بتكون اقوى من النماذج الاعتياديه علشان كده ناخد بالنا منها زى القمه المزدوجه والقاع المزدوج الغير منتظم.
اهميه نماذج FAILURE SWING و NON COMPLETE FAILURE SWING بتكمن فى نقطه جوهريه وهى بيسموها FAIL POINT واللى بتحول النموذج من نموذج غير مكتمل NONE COMLETE  الى نموذج مكتمل علشان كده حتلاقينى بقولك مثلا قاع مزدوج فى طور التكوين(NON COMLETE ) يكتمل بالاغلاق اعلى مستوى كذا وجمله يكتمل بالاغلاق اعلى او ادنى تعرف منها ان دى نقطه FAIL POINT اما انها دخول لو النموذج ايجابى او خروج لو النموذج سلبى
النقطه التانيه وهى نقطه خاصه بصانع السهم
لو بصينا كده على السهم وشوفنا الراجل بتاعه بيدافع ازاى على النقطه 4.45 وبيسند سهمه فى المنطقه دى ومش بسيبه يقع ولو اخدت بالك وانت فى الجلسه والسهم بينفذ قريب منها حتلاقيه بيعلى بلوكات كبيره عليها علشان يزهق الناس الاقل فى السعر ويطلعهم فوقيه وهو يقابل من الناحيه التانيه من العروض وفى الفتره الاخيره سمح بكسرها فى نفس الجلسه كنوع من المصيده يستلم بيها السهم فى حدود 4.40 وده بنسميه كسر خاطىء فى التحليل الفنى وحتلاحظ انه لما كسر 4.45  فى الفتره القريبه الماضيه مافيش ولا مره السهم بات تحت 4.45 والحقيقه انا بتكلم على النقطه 4.45 تحديدا فى المنطقه 4.40-4.50 لان شغل صانع السهم باين اوى فى الدفاع على النقطه دى  وارجع كده معايا لتاريخ السهم حتلاقى ان 4.45 اكتسبت اهميه خاصه من بعد ما فتح جاب اب يوم 23/4/2009 وبدء يشتغل عليها بكل قوته وحتلاحظ كمان ارتفاع احجام التنفيذ فى الايام اللى كانت فيها قاع ارتدادى والراجل عملها كأرتكاز رئيسى للسهم ونشوف السهم لما بيكسرها لتحت بيحصله ايه ولما بيخترقها لفوق بيحصله ايه علشان كده  لو لاقيت السهم  بيكسر 4.45 كسر حقيقى واعتبر ان كسر 4.40 هو تأكيد لصحه كسر 4.45 كفلتر سعرى مقداره 1% فى المدى القصير او السهم بيبات جلستين تحتها  او لو كانت هى تأكيد لصحه كسر نموذج معين يبقا تسلم السهم زى الباشا ومش عاوز اوعدك انك تستلمه تانى  عند 4 على الاقل وانت باشا بردو وعلشان اهميه النقطه دى  انا قلت ان الوصول لمنطقه 3.75-3.95 مشروطه وزيهم نموذج 2B TOP او الوتد فى عدم اكتمال مستهدفهم
وفنيا السهم بيمر بجنى ارباح ما زال فى نطاقه الطبيعى والسهم يعتبر حقق مستهدفه فى المدى القصير عند 5.20 وله مستهدف متوسط المدى فى نطاق 8-8.70 وله ايضا مستهدف فى المدى الطويل عند 16 بشرط الثبات اعلى 8.70. وارجع واقول لا خوف من السهم طالما انه اعلى 4.45 واشتغل تريدات حاليا  ما بين 4.45-5.20 الا ان يقضى الله امرا كان مفعولا
و اخيرا لما نربط النقطتين السابقتين ببعضهم حنلاقى ان  صانع السهم بيفكرك باهميه نقطه 4.45 سواء فى المدى الطويل او فى المدى القصير ومش ناقص غير يقولك  انتبه....  >>>>> نقطه حصينه