بسم الله الرحمن الرحيم
على ذكر تسريبات صفقه موبينيل مع فرانس تليكوم تابع المؤشر صعوده القوى حتى لامس مقاومه 5200 وارتد هابطا فى نفس الجلسه مكونا شمعه سلبيه شوتنج ستار غير مثاليه تنبىء عن تغيير الاتجاه وربما يؤكد ذلك وجود الانفراج السلبى الكلاسيكى على مؤشر القوه النسبيه وبرغم ان الانفراج من النوع الضعيف الا ان ظهوره فى منطقه الانفجارالشرائى قد يجعلنا اكثر حذرا خلال الجلسات القادمه والانفراج بوجه عام هو مؤشر لحاله فنيه معينه يمر بها اى سهم تنبى بامكانيه حدوث الانعكاس يحتاج الى تأكيد من السعر نفسه وهنا حتى يتأكد الانفراج فلابد من ظهور شمعه سلبيه اخرى تؤكد شمعه الشوتنج ستار او اغلاق ادنى من اغلاق 5066 وللخلاص من هذا الانفراج فعلى مؤشر القوه النسبيه تاكيد القمم الجديده التى يحققها السعر وذلك بتخطى قراءه 85.33 وهى القمه التى تراجع منها وفى حال تراجع السعر فهناك دعم عند مستوى 5000 ثم مستوى 4800(مستوى حمايه الارباح) و اخيرا فان كسر مستوى 4500 يعكس الاتجاه الى هابط فى المدى القصير وهو مستوى ايقاف الخسائر
هناك ٩ تعليقات:
بارك الله فى مجهودك يا استاذ ترند وحعله فى ميزان حسناتك
صباح الخير
ممكن اسئل حضرتك لو المؤشر اتحرك عرضى وما كسرش 5066 او كسرها ورجع تانى فوقها التصرف هيكون ازى وهل كدة يكون الانفراج تأكد ولا لسه
مساء الفل يا باشا
والله مش عارف اقول لحضرتك ايه ما شاء الله على توقعاتك والقرأة السليمة للسوق
fifo
اخى العزيز ترند ميكر
تحياتى لمجهودك الكبير فى التحليل الفنى
اسمح لى اسئلك عن الفرق بين الانفراج والفيلور سوينج
شكرا
@MANO
اشكرك استاذ مانوا على دعوتك ولك بمثلها ان شاء الله
@غير معرف
اخى الكريم بالنسبه للتحرك العرضى طالما انه ما لا يوجد اغلاق ادنى 5066 يظل الانفراج كأن لم يكن وشرحه فى حاله الكسر والاغلاق اعلى 5066 انا بتكلم عن اغلاق وليس كسر فيه فرق بين الاغلاق والكسر يعنى بالبلدى كده الكسر ده ممكن يكون حركه تهويش اومصيده للبائع او المشترى لكن الاغلاق ان اخر سعر يكون تحت 5066 ويتأكد الكسر سواء بفلتر سعرى من1%-3% من نقطه الكسر او بفلتر زمنى لمده جلستين
@غير معرف
العفو استاذ فيفو ده توفيق ربنا اولا واخيرا
@OMAR
استاذ عمر سؤالك سؤال ممتاز بشكرك عليه
الفرق بين الفيلور سوينج ان السعر نفسه بيفشل فى كسر القاع السابق له او اختراق القمه السابقه له وبيتبعه فى ذلك المؤشرات الفنيه واهمها rsi (علاقه طرديه) ولاحظ كمان ان الفيلور سوينج من الممكن انه يؤدى الا الانفراج والفيلور سيونج ظاهره مبنيه عليه يعض النماذج الكلاسيكيه زى القمه والقاع المزدوج والمثلثات وكثير من نماذج الهارمونيك اما الانفراج فهناك علاقه عكسيه بين السعر والانفراج الكلاسيكى او الخفى ومن اقوى المناطق لظهور الانفراج او الفيلور سوينج هى مناطق التشبع سواء الشرائى او البيعى
استاذنا العزيز اشكرك مرة ثانية على سرعة الاجابة الوافية وربنا يبارك لك فى علمك ومجهودك
إرسال تعليق