EGX30

بسم الله الرحمن الرحيم

فى الشارت الحالى  حنقوم بتحليل احد مؤشرات الزخم وهو مؤشر القوه النسبيه والصراحه كنت عايز اعمل اضراب عن التحليل الفنى تعاطفا مع الاضراب الناجح  اللى كسر الدنيا بس ضميرى الفنى نقح عليا مش عارف ليه

عموما  نرجع تانى للشارت وحنتكلم عنه بالعاميه  تضامنا مع اخوانى المضرببن فى الارض

مؤشر القوه النسبيه وتحليله بالترندات بيوضح حاجه مهمه جدا احنا عندنا 3 ترندات مرقمه اهم واحد فيهم هو الترند الفرعى رقم 1 بالرغم من ان زاويه صعوده حاده شويه وزوايه صعوده دى هى اللى عطيته الاهميه حاليا ...ليه؟

عشان اصبح اكثر ملائمه لحركه السعر وبئا قادر على تتبع حركه السعر اكثروفيه كده ما يشبه القاعده " ان خط الترند الاكثر انحدرا هو الخط الاكثر اهميه" وانا دايما بقول ان كسر ترند فرعى ممكن انه يكون جرس انذار مبكر على كسر ترند اساسى وكمان اصبح الترند رقم 1 مهم حاليا عشان الباك تست اللى بيعمله مؤشر القوه النسبيه على خط الترند ده حيوضح لنا  استمراريه قوه الزخم الشرائى من عدمه ويمكن يحصل تقارب بين اعاده اختبار الخط ده مع القمه اللى تراجع منها مؤشر القوه النسبيه وحتكون وقتها مقاومه جامده جدا

الحقيقه الفكرة اللى شرحتها بالترندات اعتقد انها مفيده عن فكره البامب اند رن لانه فى بعض الحالات زى اللى عندنا حاليا حنلاقى ان فكره الترندات اسرع فى التحذير من فكره البامب اند رن فى رسم خطوط تحذيريه موازيه للترند رقم 3 بالاضافه الى ان كل ترند منهم ممكن يكون مناسب لنوعيه معينه من المستثمرين وده بيخلى عندنا خيارات اكتر فى المتاجره

ملاحظات

 اولا: التحليل ده يمكن يكون تعليمى اكتر منه فنى لان الترندات مهمه فى شغل التحليل الفنى ورسم الترند فى حد ذاته هو فن

ثانيا : ممكن رسم  عدد لا نهائى من الترندات والترند لما يمر بنقطتين (الحد الادنى لرسم اى ترند) بيتقال عليه مؤقت وبيحتاج الى نقطه تالته لتأكيده وتحويله الى  ما يسمى ترند اساسى

ثالثا : الترندات الفرعيه المشتقه من الترند الاساىسى مهمه فى تتبع السعر وكمقاومات او دعوم يمكن المتاجره معها

رابعا: نموذج البامب اند رن قوته مبنيه اساسا على زاويه ميل الترند وافضل ميل لرسم خط الترند فى البامب اند رن هى زاويه ميل 30-45 وزوايه 45 هى زاويه التوازن للسعر زى ما قال عمنا وليم جان وبتسمى كمان زاويه 1:1  ومعانها ان وحده سعر بتمشى مع وحده زمن وفيه زاويا تانيه بيمشى فيها السعر بمقدار وحدتين سعر مع وحده زمن او وحدتين زمن مع وحده سعر وهكذا وهى الزاويا المعروفه عند جان وعلى اساسها بيتحدد سرعه او بطىء السعر

خامسا : نخلى بالنا من مقاومه 4800 لان عندها كلستر مقاومات قوى جدا مكون من مقاومه افقيه ونسبه 224% من السيونج الهابط قبلها وهى نسبه من نسب الذروه ولو حصل تراجع عندنا دعم عند 4575 و كلستر دعم قوى عند 4500